ДЕНОВИ НА КРАЛИ МАРКО
МАНИФЕСТАЦИИ
Меѓу настаните кои претставуваат традиционални културни обележја на градот се и Деновите на Крали Марко кои се одржуваат во периодот од 15 до 17 мај со што се одбележува годишнината од загинувањето на Крали Марко. Деновите го промовираат Прилеп како град каде што живеел легендарниот крал Марко, место што е неодминлива дестинација на туристите во нашата држава со богата културна понуда. Манифестацијата се одржува во подножјето на Марковите кули на единствени локации како Црквата „Св. Никола“, Манастирот „Св. Архангел Михаил“, Мултимедијалното плато во Варош и опфаќа повеќе настани, етно концерти, концерти на класична музика, промоции, изложби. Деновите на Крали Марко успешно ја презентираат македонска култура и уметност на овие простори.