БОЛДЕРИНГ ВО ПРИЛЕП
Болдерингот, како најпопуларна активност кај младите качувачи во светот, го избра Прилеп за своја територија поради фактот што тука се наоѓаат најуникатните карпи за овој вид спорт во Европа, како по квалитет така и по обем.
Ако воопшто може да се спореди со некое друго вакво место за качување во светот, тоа сигурно би била Синтра во Португалија, Хампи во Индија или Хуеко тенкс во Америка, но, камените блокови околу Прилеп по својот број и квалитетен лендинг ги надминуваат овие места.
Крали Марко болдер собирот се организира секој последен викенд од месец март во организација на скк Златоврв од Прилеп, македонската спортско качувачка федерација и локалната самоуправа. Гостите учесници се сместени во камп специјално организиран за овој настан во подножјето на болдерите на 1,5 км. од градот во правец на вештачкото езеро.
Лесно достапните камени блокови, расфрлани по зелените ливади под Камена Баба, огреани од топлото македонско сонце никого не го остават рамнодушен.
За повеќе информации и запознавање со настанот,посетете не на:http://prilep-bouldering.com.