СВ. БОГОРОДИЦА ПРЕЧИСТА
ЦРКВИ И МАНАСТИРИ ВО ВАРОШ
Кликни на линкот за 360 степени виртуелна тура
Црквата Света Богородица Пречиста е еднокорабна градба со полукружна апсида на источната страна, подигната во почетокот на XV век (1416 или 1438), што се гледа од натписот на западниот ѕид над влезот на вратата, од каде дознаваме дека нејзината изградба ја порачале Павле и Радослав, синови на Теодор. Ѕидана е од кршен камен и тули, употребени во два реда во горната половина во црквата. Два пати страдала од пожар поради што нејзините фрески се доста оштетени. Од останатиот живопис во апсидата може да се согледа дека непознатиот зограф ни се претставува со солиден цртеж и богат колорит. Сочуваните сигнатури се испишани на старословенски јазик.
