СТИБЕРА
Археолошки наоѓалишта
Античкиот град Стибера лежи на ридот Бедем, с. Чепигово, на 16 км западно од Прилеп, над вливот на реката Блато во Црна Река (Еригон). Почетоците на формирање на градот се во македонско хеленистичкиот период IV- III век п.н.е. Својот процут Стибера го доживеала во II век н.е. кога е вршена најголемата обнова на објектите во неа и од кога потекнуваат најголемиот број на мермерни скулптури и епиграфски споменици. Остатоците од архитектонска и портретна мермерна пластика и фрагменти од мермерни плочи со натписи, откриени во 2009 год. се потврда за значајната улога на Стибера и нејзините граѓани во рамките на слободните градови во римските провинции. Урбаниот животот во него згаснал во втората половина на III век н.е.
