МОГИЛА НА НЕПОБЕДЕНИТЕ
СПОМЕН ПАРК
Спомен паркот на Револуцијата во Прилеп изграден е 1961 година во чест на загинатите борци од НОВ, според проектот на познатиот архитект Богдан Богдановиќ. Спомен паркот на Револуцијата составен е од: Алеја на народните херои со бисти од десетте загинати херои, Цветна алеја, патека која води до Заедничка гробница - крипта. Во едниот дел се подигнати мермерни урни, слични на античките. Најголемата урна со симбол на вечен пламен ја претставува непокорноста на македонскиот народ. Во вториот дел се наоѓа криптата - заедничката гробница, каде во мермерните плочи се вклесани имињата на паднатите борци, кои го положиле животот за ослободување на Македонија.