11ТИ ОКТОМВРИ 1941
МЕМОРИЈАЛНИ МУЗЕИ
Меморијалниот музеј „11 Октомври 1941“ се наоѓа во центарот на Прилеп, на улица „Илинденска“ б.б. Зградата во која е сместен музејот е изградена на почетокот на XX век. За време на фашистичката окупација (1941-1944 ) овој објект бил претворен во бугарски полициски Участак во кој била сместена окупаторската полиција. На 11 октомври 1941 година борците од Прилепскиот партизански одред извршиле вооружен напад врз Участакот и врз други објекти во градот, со што започнало вооруженото востание на македонскиот народ против фашистичкиот окупатор. Во ходникот на катот поставени се Указите Повелби на петнаесетте Народни херои од Прилеп, како и бистата од бел мермер на Јосип Броз Тито.
