Меморијалниот музеј “Кузман Јосифоски - Питу” се наоѓа на улица “Мара Јосифоска” број 20 во Прилеп. Во куќата се родени Народниот херој Кузман Јосифоски-Питу и првоборците носители на “Партизанска споменица 1941”, неговиот брат Аспарух и неговите сестри Мара и Стефанка. За споменик на културата е прогласена во 1971 година. По извршената темелна реконструкција на куќата која е изградена кон крајот на XIX век, како Меморијален музеј “Кузман Јосифоски - Питу” е отворена на 11 октомври
Музеј за тутун
Од богатиот фонд 2000 собрани и обработени експонати, во Музејот на тутун изложени се 750. Најбројни се лулите. Богатство на мотиви, орнаменти, голем дел од нив се од познати светски производители меѓу кои и оние што биле изложени на светските изложби во Виена и Париз во 18 и 19 век.
Галерија на икони
Оваа галерија е една од најубавите во Македонија. Бројот на презентирани икони е 66 и тие се хронолошки поместени, почнувајќи од XVI и завршувајќи со XIX век. Најстар експонат е фреската со ликот на Архангел Гаврил, пронајдена при археолшките ископувања во манастирот “Св Архангел Михаил” во Варош.
Спомен паркот на Револуцијата во Прилеп изграден е 1961 година во чест на загинатите борци од НОВ, според проектот на познатиот архитект Богдан Богдановиќ.
Меморијалниот музеј “11 Октомври 1941” се наоѓа во центарот на Прилеп, на улица “Илинденска” б.б. Зградата во која е сместен музејот е изградена на почетокот на XX век. За време на фашистичката окупација (1941-1944 година) овој објект бил претворен во бугарски полициски Участок во кој била сместена окупаторската полиција. На 11 октомври 1941 година борците од Прилепскиот партизански одред извршиле вооружен напад врз Участокот и врз други објекти во градот, со што започнало вооруженото востание на македонскиот народ против фашистичкиот окупатор.
