На иницијатива на Младинскиот Информативен И Советодавен Центар ИНФО СЕГА Прилеп, а во заедничка организација со младинските организации на средните училишта СОУ Гимназија „Мирче Ацев“ и СОУ „Ѓорче Петров“ на ден 18-19 .04.2011 год ќе се одржат натпревари во кошарка и фудбал во кои учество со свои екипи ќе земат сите средни училишта од град Прилеп.

Целта на овие натпревари е одбележување на Eвропскиот ден на младинско информирање (17.04.2011 год.) и за истиот младинскиот информативен и советодавен Центар во соработка со младинските организации, организира повеќе активности во периодот 12.04 до 19.04.

Овај настан има уште и хуманитарен карактер со цел помагање на малата Наташа Николоска од Прилеп, која има само 6 и пол години, поради нејзината ретка болест, сеуште не можи да оди и да зборува. Благодарение на лице од Германија, набавени се потребните лекови за стабилизирање на состојбата на девојчето, но во иднина ќе треба семејството само да ги набавува. Цената на лековите за еден месец изнесува 800 евра. Собраните средствата од натпреварите ќе бидат доделени на нејзиното семејство. 


Ќе ни претставува посебна чест и задоволство доколку бидете дел на овај настан кој што официјално ќе започне во 10ч на ден 18.04.2011 год , во спортската арена „Сонце“.

Даниел Матракоски ( претседател на МО во СОУ „Ѓорче Петров“ )
Теодора Петреска ( претседател на МО во СОУ Гимназија „Мирче Ацев“ )