Институтот за старословенска култура - Прилеп е јавна научна институција која врши научноистражувачка дејност од областа на опшествените и хуманитарните науки, како членка на Универзитетот “Св. Климент Охридски” од Битола и е еден од петте научноистражувачки институции

во Република Македонија со предзнак “национален институт”. Научноистражувачкиот сегмент на Институтот за старословенска култура - Прилеп го сочинуваат пет целини - одделенија, кои се занимаваат со истражувања од областа на:

•  археологијата,

•  историја на уметноста,

•  историските науки,

•  етнологијата и

•  лингвистиката.

Дејност на ИСК:

•  собира, систематизира, научно обработува, презентира и публикува севкупната граѓа за историскиот и културниот идентитет на македонскиот народ , како и на другите словенски;

•  организира истражувања во областа на етногенезата на македонскиот народ и развојот на неговата култура;

•  организира и изведува истражувања од областа на историја, археологија, историја на уметност, културна и социјална антропологија, лингвистика, етнологија и етногенеза;

•  ги следи научните достигнувања во земјата и во странство во областите во кои врши научно истражувачка дејност;

•  организира симпозиуми, научни собири, советувања и сл. во земјата

•  учествува на симпозиуми, научни собири, советувања и сл. во земјата и странство;

•  соработува со сродни установи и организации во земјата и во странство;

•  организира пследипломски, докторски и специјалистички студии од областите што се во сферата на интерес на Институтот.